ଛାତ ଉପରେ ସୋଲାର ପ୍ୟାନେଲ୍ ; ୭ ହଜାରରୁ ଉର୍ଦ୍ଧ୍ୱ ଗ୍ରାହକ ପାଇଲେ ଶୂନ ବିଦ୍ୟୁତ୍ ବିଲ୍
ଟିପିଡବ୍ଲୁଓଡିଏଲର ବିତରଣ କ୍ଷେତ୍ରରେ, ଏପର୍ଯ୍ୟନ୍ତ ମୋଟ ୧୩,୦୦୦ରୁ ଅଧିକ ଗ୍ରାହକ ନିଜ ଛାତ ଉପରେ ସୋଲାର ପ୍ୟାନେଲ ସ୍ଥାପନ କରିସାରିଛନ୍ତି । ରେକର୍ଡ କରାଯାଇଥିବା ତଥ୍ୟ ଅନୁସାରେ, ଗତ ଜାନୁଆରୀ ମାସରେ ୭,୨୯୭ ଜଣ ଗ୍ରାହକଙ୍କ ବିଦ୍ୟୁତ୍ ବିଲ୍ ଶୂନ୍ୟ-ୟୁନିଟ୍ ରେକର୍ଡ କରାଯାଇଛି ।
ଗତ ଡିସେମ୍ବର ୨୦୨୫ରେ ଶୂନ ବିଦ୍ୟୁତ୍ ବିଲ୍ ପାଇଥିବା ଗ୍ରାହକଙ୍କ ସଂଖ୍ୟା ୧୭୭ ଥିବାବେଳେ ଜାନୁଆରୀ ୨୦୨୬ରେ ଏହି ସଂଖ୍ୟା ପାଞ୍ଚ ଗୁଣରୁ ଅଧିକ ବୃଦ୍ଧି ପାଇ ୯୭୯ ଜଣରେ ପହଞ୍ଚିସାରିଛି । ଯାହା ଏହି ଯୋଜନାର ପ୍ରତ୍ୟକ୍ଷ ଆର୍ଥିକ ଲାଭକୁ ପ୍ରତିଫଳିତ କରୁଅଛି ।
ଉଲ୍ଲେଖଯୋଗ୍ୟ ଯେ, ପ୍ରଧାନମନ୍ତ୍ରୀ ସୂର୍ଯ୍ୟଘର ମୁକ୍ତ ବିଜୁଳି ଯୋଜନାରେ ସୋଲାର ପ୍ୟାନେଲ ସ୍ଥାପନ କରିବା ପାଇଁ ଉଭୟ ରାଜ୍ୟ ଓ କେନ୍ଦ୍ର ସରକାରଙ୍କର ଆର୍ଥିକ ସହାୟତା ଉପଲବ୍ଧ ରହିଅଛି । ପ୍ରାୟ ୨ ଲକ୍ଷ ଟଙ୍କାର ମୂଲ୍ୟର ୩ କିଲୋୱାଟ୍ ସୋଲାର ପ୍ୟାନେଲ ସ୍ଥାପନ କଲେ ଜଣେ ଗ୍ରାହକଙ୍କୁ ପ୍ରାୟ ୧.୩୮ ଲକ୍ଷ ଟଙ୍କା ପର୍ଯ୍ୟନ୍ତ ଆର୍ଥିକ ସହାୟତା ମିଳୁଅଛି । ସେହିଭଳି ପ୍ରାୟ ୧.୪୦ ଲକ୍ଷ ଟଙ୍କା ମୂଲ୍ୟର ୨ କିଲୋୱାଟ୍ ସୋଲାର ପ୍ୟାନେଲ ସ୍ଥାପନ ଦ୍ୱାରା କେନ୍ଦ୍ର ଏବଂ ରାଜ୍ୟ ସରକାରଙ୍କଠାରୁ ମିଳିତ ଭାବରେ ପ୍ରାୟ ୧.୧୦ ଲକ୍ଷ ଟଙ୍କାର ସହାୟତା ମିଳୁଅଛି । ଯାହା ପ୍ରତି ଘରର ବିଦ୍ୟୁତ୍ ସଂଯୋଗ ଏବଂ ସୋଲାର ପ୍ୟାନେଲ ସଂଯୋଗ ମଧ୍ୟରେ ସମନ୍ୱୟ ରକ୍ଷା କରି ସଠିକ ଏବଂ ନିର୍ଭରଯୋଗ୍ୟ ବିଦ୍ୟୁତ୍ ବ୍ୟବହାରର ହିସାବ ସୁନିଶ୍ଚିତ କରିଥାଏ । ବର୍ଦ୍ଧିତ ଗ୍ରାହକ ଅଂଶଗ୍ରହଣ ଏବଂ ମାସିକ ଅଭିବୃଦ୍ଧି ସହିତ, ଟିପିଡବ୍ଲୁଓଡିଏଲ ପଶ୍ଚିମ ଓଡ଼ିଶାର ସୁଲଭ, ସ୍ଥାୟୀ ଏବଂ ଗ୍ରାହକ-କୈନ୍ଦ୍ରିକ ସୌର ଶକ୍ତି ଗ୍ରହଣ ଦିଗରେ ପରିବର୍ତ୍ତନକୁ ଆଗେଇ ନେବାରେ ଏକ ଅଗ୍ରଣୀ ଭୂମିକା ଗ୍ରହଣ କରିଛି। ସମ୍ବଲପୁର ରୁ ରାଜାରାମ ଷଡ଼ଙ୍ଗୀଙ୍କ ରିପୋର୍ଟ,୨୧/୨/୨୦୨୬--+୭,୪୫ Sakhigopal News,21/2/2026
