ସେଞ୍ଚୁରିଅନ ବିଶ୍ୱବିଦ୍ୟାଳୟ ପକ୍ଷରୁ ସାମୁଦ୍ରିକ ପରିସଂସ୍ଥା ଏବଂ ଜଳବାୟୁ ଆହ୍ୱାନ ଉପରେ ଜାତୀୟ ସମ୍ମିଳନୀ
ଉଦଘାଟନୀ ଉତ୍ସବରେ ପୃଥିବୀ ବିଜ୍ଞାନ ମନ୍ତ୍ରଣାଳୟର ବୈଜ୍ଞାନିକ ଡ. ଅନିଲ କୁମାର ବିଜୟନ ମୁଖ୍ୟ ଅତିଥି ଏବଂ କୁଳପତି ପ୍ରଫେସର ସୁପ୍ରିୟା ପଟ୍ଟନାୟକ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ। ସମ୍ମିଳନୀରେ ସାରା ଭାରତରୁ ପ୍ରାୟ ୮୦ ଜଣ ବୈଜ୍ଞାନିକ ଓ ଗବେଷକ ଅଂଶଗ୍ରହଣ କରିଥିଲେ। ଏଥିରେ ସାମୁଦ୍ରିକ ଜୈବ ବିବିଧତା, ମତ୍ସ୍ୟ ସମ୍ପଦର ସ୍ଥାୟୀ ପରିଚାଳନା ଏବଂ ସାମୁଦ୍ରିକ ପ୍ରଦୂଷଣ ନିୟନ୍ତ୍ରଣ ପରି ୫ଟି ମୁଖ୍ୟ ବିଷୟବସ୍ତୁ ଉପରେ ୧୬ଟି ସ୍ୱତନ୍ତ୍ର ବୈଷୟିକ ଆଲୋଚନା ଓ ପୋଷ୍ଟର ପ୍ରଦର୍ଶନୀ ଅନୁଷ୍ଠିତ ହୋଇଥିଲା।
ସିଭିଲ୍ ଇଞ୍ଜିନିୟରିଂ ବିଭାଗର ଡ. କମଲ ବାରିକ ଏହି ସମ୍ମିଳନୀର ଆବାହକ ଏବଂ ରସାୟନ ବିଜ୍ଞାନ ବିଭାଗର ଡ. ପ୍ରତାପ କୁମାର ଛୋଟରାୟ ସମ୍ପାଦକ ଭାବେ କାର୍ଯ୍ୟକ୍ରମ ପରିଚାଳନା କରିଥିଲେ। ଉଦଯାପନୀ ଉତ୍ସବରେ ବୈଜ୍ଞାନିକ ଡ. ନୋବି ଏ. ପି. ଏବଂ ପ୍ରୋ-ଭାଇସ ଚାନ୍ସେଲର ପ୍ରଫେସର ବିଶ୍ୱଜିତ ମିଶ୍ର ଯୋଗଦେଇ ଆୟୋଜକଙ୍କୁ ପ୍ରଶଂସା କରିବା ସହ ଉପକୂଳ ସୁରକ୍ଷା ପାଇଁ ସରକାର ଓ ଶିକ୍ଷାନୁଷ୍ଠାନ ମଧ୍ୟରେ ସହଯୋଗର ଆବଶ୍ୟକତା ଉପରେ ମତ ରଖିଥିଲେ। ଏହି କାର୍ଯ୍ୟକ୍ରମକୁ ସାଗ୍ରୋ ଟେକ୍ ସଲ୍ୟୁସନ, ବ୍ଲୁ ଓସେନ, ଇଫକୋ , ମହାପାତ୍ର ସାଇଣ୍ଟିଫିକ ଏବଂ ସ୍ପନ୍ଦନ ସହାୟତା କରିଥିଲେ।
ଜଟଣୀ ରୁ ରଙ୍ଗନାଥ ବେହେରାଙ୍କ ରିପୋର୍ଟ,୧୫/୨/୨୦୨୬---୮,୩୫ Sakhigopal News,15/2/2026
