ଶ୍ରୀ ବିନୋଦବିହାରୀ ଠାକୁରଙ୍କ ମକର ପର୍ବ ପାଳିତ

 ସାକ୍ଷୀଗୋପାଳ --- ପୁରୀ ଜିଲାର ସୁଆଣ୍ଡୋ ସ୍ଥିତ ଶ୍ରୀ ରାଧା ବିନୋଦବିହାରୀ ଠାକୁରଙ୍କ ମକର ପର୍ବ ପାରମ୍ପରିକ ରିତିନୀତି ଅନୁସାରେ ପାଳିତ ହୋଇଯାଇଛି  । ଏହି ଅବସରରେ ଠାକୁରଙ୍କ ସକାଳ ନୀତିକାନ୍ତି ସରିବା ପରେ  ଚନ୍ଦନ ଚକଡାରେ ମକରଚାଉଳ ପ୍ରସ୍ତୁତ କରାଯାଇ ଥିଲା  । ନୂଆ ଅରୁଆ ଚାଉଳ  , ନଡିଆ  , ସାକର  , ଛେନା  , କ୍ଷୀର  , ସରଲବଣି  , କଦଳୀ  , ସେଓ  , ଅଙ୍ଗୁର  , କମଳା  , ଧନୁମୁଆଁ  , ଆଖୁ  , ଅଦା  , ଗୋଲମରିଚ  , ଅଳେଇଚ  , କର୍ପୂର ଆଦିକୁ ତାଡରେ ପୂଜକ ବାସୁଦେବ ପଣ୍ଡା ପ୍ରସ୍ତୁତ କରିଥିଲେ  । ବିଜେ ପ୍ରତିମା ଘଣ୍ଟ, ଶଙ୍ଖ ଆଦି ବାଜାବାଜି ମନ୍ଦିର ଚାରିପଟେ ତିନି ଘେରା ପ୍ରଦକ୍ଷିଣ କରିବା ପରେ ସିଂହାସନ ବିଜେ କରିଥିଲେ  । ଠାକୁର ତୁଳସୀ ଫୁଲମାଳରେ ଭୂଷଣ ହୋଇଥିଲେ  । ଅରୁଆ ଚାଉଳ ଓ ପଞ୍ଚପଲ୍ଲବରେ ଠାକୁରଙ୍କ ବନ୍ଦାପନା ନୀତିକାନ୍ତି ସରିବା ପରେ ମକର ବେଢା ନୀତି ସରିଥିଲା  । ମକରଚାଉଳ ଓ ଚୁଡାଘସା  , ଧନୁମୁଆଁ  ,   ପାଚିଲା କଦଳୀ ସହିତ ନାନାଦି ଫଳମୂଳ ଭୋଗଲାଗି କରାଯାଇ ଥିଲା   । ଠାକୁରଙ୍କ ନୀତିକାନ୍ତି ସରିବା ପରେ ମକରଚାଉଳ ଶ୍ରଦ୍ଧାଳୁମାନଙ୍କ ମଧ୍ଯରେ ବଣ୍ଟନ କରାଯାଇ ଥିଲା  । ସେହିପରି ବରାଳ ସ୍ଥିତ ବାଲୁଙ୍କେଶ୍ୱର  , ଶ୍ରୀରାମଚନ୍ଦ୍ର ପୁର  , ବୀର ରାମଚନ୍ଦ୍ର ପୁର  , ବିଶ୍ୱନାଥ ପୂର, ବୀର ଗୋବିନ୍ଦ ପୁର  , ରାୟଚକ୍ରଧରପୁର  , ରାୟ ଖଣ୍ଡି  , ବଳପୁର ବାଲୁଙ୍କେଶ୍ୱର, କୁଣ୍ଡଳେଶ୍ୱରମହାଦେବ, ସୋମେଶ୍ୱର ପୁର, ମୁଆଁଖଆ,ରନ୍ନେଶ୍ବର, ଖଜୁରୋଶ୍ବର, ବାଟ ମହାବୀର  ପ୍ରମୁଖ ଶାସନବାଡ ଓ ଗ୍ରାମମାନଙ୍କରେ ଥିବା ବିଭିନ୍ନ ଦେବାଳୟ ମାନଙ୍କରେ ମକର ସଂକ୍ରାନ୍ତି ପର୍ବ ପାଳନ ହୋଇଯାଇଛି। ଦେବମନ୍ଦିର ଗୁଡିକରେ ସକାଳୁ ସଞ୍ଜ ପର୍ଯ୍ୟନ୍ତ ଭକ୍ତମାନଙ୍କ ଗହଳି ଲାଗିଥିଲା  । ସାକ୍ଷୀଗୋପାଳ ରୁ ଧୀରେନ୍ଦ୍ର ସେନାପତି ଙ୍କ ରିପୋର୍ଟ,୧୪/୧/୨୦୨୬----୭,୨୫ Sakhigopal News,14/1/2026