ସେଞ୍ଚୁରିଅନ୍ ବିଶ୍ୱବିଦ୍ୟାଳୟରେ ଇନୋଭା-୨୦୨୬ ଡିଜିଟାଲ୍ ପରିବର୍ତ୍ତନ ଉପରେ ବିଶ୍ୱସ୍ତରୀୟ ଆଲୋଚନା
ସେଞ୍ଚୁରିଅନ୍ ବିଶ୍ୱବିଦ୍ୟାଳୟର ସ୍କୁଲ୍ ଅଫ୍ ମ୍ୟାନେଜମେଣ୍ଟ ଦ୍ୱାରା ଆୟୋଜିତ ଇଣ୍ଟରନ୍ୟାସନାଲ୍ କନଫରେନ୍ସ ଅନ୍ ଇନୋଭେସନ୍, ବିଜନେସ୍ ଏବଂ ଡିଜିଟାଲ୍ ଟ୍ରାନ୍ସଫର୍ମେସନ୍ ୨୦୨୬ ଭୁବନେଶ୍ୱର କ୍ୟାମ୍ପସରେ ସଫଳତାର ସହ ଆୟୋଜିତ ହୋଇଅଛି l ଦୁଇଦିନିଆ ଏହି ଆନ୍ତର୍ଜାତୀୟ ଶାକ୍ଷରିକ ସମ୍ମିଳନୀରେ ଭାରତ ଓ ବିଦେଶରୁ ଆସିଥିବା ଶିକ୍ଷାବିଦ୍, ଗବେଷକ, ଶିଳ୍ପ ନେତା, ନୀତିନିର୍ଦ୍ଧାରକ ଓ ପ୍ରାୟୋଗିକ ବିଶେଷଜ୍ଞମାନେ ଅଂଶଗ୍ରହଣ କରି ବ୍ୟବସାୟ, ପ୍ରଯୁକ୍ତି ଓ ସମାଜର ଭବିଷ୍ୟତକୁ ଆକାର ଦେଉଥିବା ଉଦୟମାନ ପ୍ରବଣତା ଉପରେ ଗଭୀର ଆଲୋଚନା କରିଥିଲେ।
ସମ୍ମିଳନୀରେ ୯୬ଟି ଗବେଷଣା ପ୍ରବନ୍ଧ ପ୍ରସ୍ତୁତ କରାଯାଇଥିଲା। ଆଲୋଚନାଗୁଡ଼ିକୁ ଛଅଟି ମୁଖ୍ୟ ଥିମ୍ ଓ ୧୨ଟି ସମାନାନ୍ତର ଟେକ୍ନିକାଲ୍ ଟ୍ରାକ୍ ମାଧ୍ୟମରେ ସଂଗଠିତ କରାଯାଇଥିଲା। ଡିଜିଟାଲ୍ ଟ୍ରାନ୍ସଫର୍ମେସନ୍, କୃତ୍ରିମ ବୁଦ୍ଧିମତା , ଅର୍ଥନୀତି ଓ ଅର୍ଥବ୍ୟବସ୍ଥା, ସସ୍ତେନେବିଲିଟି, ଶାସନ, ଉଦ୍ୟମିତା, ମାନବ ସମ୍ପଦ ପରିଚାଳନା ଓ ଇନୋଭେସନ୍ ଇକୋସିଷ୍ଟମ୍ ଉପରେ ବିଶେଷ ଗୁରୁତ୍ୱ ଦିଆଯାଇଥିଲା। ସହିତ, ଦୁଇଟି ଅନଲାଇନ୍ ପ୍ରସ୍ତୁତି ସେସନ୍ ମାଧ୍ୟମରେ ସମାବେଶୀ ଅଂଶଗ୍ରହଣ ସୁନିଶ୍ଚିତ କରାଯାଇଥିଲା।
ଦେଶ ଓ ବିଦେଶର ପ୍ରଖ୍ୟାତ ଶିକ୍ଷାବିଦ୍ ଓ ଶିଳ୍ପ ବିଶେଷଜ୍ଞମାନେ ଯୋଗ ଦେଇଥିଲେ। “ଇଣ୍ଡଷ୍ଟ୍ରି ଏବଂ ଆକାଡେମିଆ – ସମାବେଶୀ ବିକାଶ ଓ ଷ୍ଟାର୍ଟଅପ୍ ସଂସ୍କୃତିକୁ ସଶକ୍ତ କରିବାରେ ଭୂମିକା” ବିଷୟରେ ଆୟୋଜିତ ପ୍ଲେନାରୀ ସେସନ୍ ସମ୍ମିଳନୀର ମୁଖ୍ୟ ଆକର୍ଷଣ ଥିଲା। ଏଥିରେ ଶିଳ୍ପ ନେତା, ଉଦ୍ୟମୀ, ଗ୍ଲୋବାଲ୍ HR ବୃତ୍ତିଜୀବୀ ଓ ଶିକ୍ଷାନେତାମାନେ ଇଣ୍ଡଷ୍ଟ୍ରି–ଆକାଡେମିଆ ସହଯୋଗର ଗୁରୁତ୍ୱ ଉପରେ ମତ ପ୍ରକାଶ କରିଥିଲେ।ଦୁଇ ଦିନ ଧରି ଆୟୋଜିତ ଟେକ୍ନିକାଲ୍ ସେସନ୍ଗୁଡ଼ିକରେ ଏଆଇ ଆଧାରିତ ବିଜନେସ୍ ମଡେଲ୍, ଡିଜିଟାଲ୍ ମାର୍କେଟିଂ, ଫିନ୍ଟେକ୍, ଇଏସଜି, ବ୍ୟାଙ୍କିଂ ସଂସ୍କାର, ଗ୍ରାହକ ବ୍ୟବହାର, ନେତୃତ୍ୱ, କାର୍ଯ୍ୟବଳ ପରିବର୍ତ୍ତନ, ବ୍ଲକଚେନ୍, ସସ୍ତେନେବିଲିଟି ଓ SDG ଆଧାରିତ ଇନୋଭେସନ୍ ଉପରେ ଗବେଷଣା ପ୍ରସ୍ତୁତି ହୋଇଥିଲା।ଦ୍ୱିତୀୟ ଦିନରେ ଡିଜିଟାଲ୍ ପ୍ରଯୁକ୍ତି, ବ୍ୟବସାୟ ପରିବର୍ତ୍ତନ, ଉଦ୍ୟମିତା ଓ ଷ୍ଟାର୍ଟଅପ୍ ଇକୋସିଷ୍ଟମ୍, ସହିତ ସସ୍ତେନେବିଲିଟି ଓ ସମାଜ ଉପରେ କେନ୍ଦ୍ରିତ ସେସନ୍ଗୁଡ଼ିକ ଆୟୋଜିତ ହୋଇଥିଲା। ଭାଲେଡିକ୍ଟୋରି ସେସନ୍ ସହ ସମ୍ମିଳନୀର ସଫଳ ସମାପନ ହୋଇଥିଲା ଏବଂ ସର୍ଟିଫିକେଟ୍ ବଣ୍ଟନ ସହ ନେଟୱର୍କିଂ କାର୍ଯ୍ୟକ୍ରମ ଆୟୋଜିତ ହୋଇଥିଲା।
ଇନୋଭା ୨୦୨୬ ସେଞ୍ଚୁରିଅନ୍ ବିଶ୍ୱବିଦ୍ୟାଳୟର ଗବେଷଣା ଉତ୍କୃଷ୍ଟତା, ନବୋନ୍ମେଷ, ଦକ୍ଷତା ଆଧାରିତ ଶିକ୍ଷା ଓ ଆନ୍ତର୍ଜାତୀୟ ଶାକ୍ଷରିକ ସହଯୋଗ ପ୍ରତି ଅଙ୍ଗୀକାରକୁ ପୁନଃନିଶ୍ଚିତ କରିଛି। ଜଟଣୀ ରୁ ରଙ୍ଗନାଥ ବେହେରାଙ୍କ ରିପୋର୍ଟ,୧୧/୧/୨୦୨୬---୭,୪୫ Sakhigopal News,11/1/2026
