୪୬ ଜଣ ସୁରାଟ ଫେରନ୍ତା ସଙ୍ଗରୋଧ ଗୃହରେ ରହିଲେ
ଦୁଇଦିନ ତଳେ ଏକ ବସରେ ଗୁଜୁରାଟ ସୁରାଟରୁ ଓଡିଶାକୁ ଆସିଥିବା ଵସଟି ଗତକାଲି ମଧ୍ୟରାତ୍ରରେ ନୟାଗଡ ଜିଲ୍ଲା ଓଡ଼ଗାଁ ବ୍ଲକ ଅନ୍ତର୍ଗତ ସାକେରି ଗ୍ରାମରେ ପହଞ୍ଚିଥିଲା । ସେଥିରେ ଆସିଥିବା ୪୬ ଜଣଙ୍କ ମଧ୍ୟରୁ ୩୪ ପୁରୁଷ ,୯ ମହିଳା ଏବଂ ୩ ଜଣ ଶିଶୁ ଅଛନ୍ତି । ଉକ୍ତ ୪୬ ଜଣଙ୍କ ମଧ୍ୟରୁ ଆରଡ଼ାରୁ ୩ ,ବାଣ୍ଠପୁର ୨,ଗିରିଡ଼ିପଲ୍ଲୀ ୧୧,ରବିଗାଡ଼ିଆ, କୋମଣ୍ଡ,ରଣପୁର, ସୁନାମୁଁହି ,ରୋହିବାଙ୍କ ଗ୍ରାମପଞ୍ଚାୟତ ଆଦିର ୧ ଲେଖାଁଏ ଏବଂ ଗଂଜାମ ଜିଲ୍ଲାର ଜଣେ,ନୂଆଗାଁ ବ୍ଲକର ଜଣେ ଏବଂ ସାକେରି ଗ୍ରାମର ୨୩ ଜଣ ବୋଲି ସାକେରି ସରପଞ୍ଚ ବିବେକ ପ୍ରଧାନ ସୂଚନା ଦେଇଛନ୍ତି ।
ଆବଶ୍ୟକ ପଡ଼ିଲେ ସମସ୍ତଙ୍କର ସ୍ୱାବ ଟେଷ୍ଟ କରାଯିବ ବୋଲି ନୟାଗଡ ଜିଲ୍ଲା କୋଭିଡ ୧୯ ନୋଡାଲ ଅଫିସର ଏବଂ ଡି.ଏଫ.ଓ ଧନରାଜ .ଏଚ.ଡି କହିଛନ୍ତି ।ପ୍ରତ୍ୟେକ ବ୍ୟକ୍ତି ନିଜ ବ୍ୟକ୍ତିଗତ ଖର୍ଚ୍ଚରୁ ୪୨୦୦ ଟଙ୍କା ଖର୍ଚ୍ଚ କରି ଆସିଥିବା ସୂଚନା ମିଳିଛି । ସୁରାଟରୁ ବାହାରିଥିବା ଏହି ବସଟି କନ୍ଧମାଳ ଜିଲ୍ଲା ଦେଇ ନୟାଗଡ଼ ଜିଲ୍ଲାର ମହିପୁର ହୋଇ ନୟାଗଡ଼ ଜିଲ୍ଲାରେ ପ୍ରବେଶ କରିଥିବା ଜଣାପଡିଛି ।
କୁରାଳରୁ ଅର୍ଜୁନ ସାହୁ
