ସାକ୍ଷୀଗୋପାଳ ---- ସତ୍ୟବାଦୀ ବିଦ୍ୟୁତ ଉପଖଣ୍ଡର ଜଣେ କର୍ମଚାରୀଙ୍କୁ ମାଡ ମାରିବା ଅଭିଯୋଗରେ ସତ୍ୟବାଦୀ ପୋଲିସ ଜଣଙ୍କୁ ଗିରଫ କରି କୋର୍ଟ ଚାଲଣ କରିଥିବା ସତ୍ୟବାଦୀ ଥାନା ଆଇଆଇସି ତପନ କୁମାର ରାଉତଙ୍କ ଠାରୁ ପ୍ରକାଶ । ସୁଚନାଯୋଗ୍ୟ ଯେ ବିଦ୍ୟୁତ ବିଭାଗର ଜେଇ ମନୋଜ କୁମାର ସାମନ୍ତରାଏଙ୍କ ନିର୍ଦ୍ଦେଶ କ୍ରମେ ଲାଇନିମ୍ୟାନ ଶରତ ସୁକାରୀ ନୁଆଗାଁ ଗ୍ରାମକୁ ଏକ ଲାଇନି କାଟିବା ପାଇଁ ଯାଇଥିଲେ । ବିଦ୍ୟୁତ ଗ୍ରାହକନଂ ୦୦୩୦୬୭୮୦ ପି.ୟୁ ଆର କେସ ପ୍ରେମଲତା ରଥଙ୍କ ନାମରେ ହୋଇଛି । ନିୟମ ଅନୁଯାୟୀ ତାଙ୍କୁ ଅବଗତ କରାଇ ବିଦ୍ୟୁତ କାଟ କରାଯାଇଥିଲା । ସେହି ସମୟରେ ତାଙ୍କ ଝିଅ ମାମା ରଥ ଓ ଜ୍ୱାଇଁ ଦୁର୍ଗା ପ୍ରସାଦ ମିଶ୍ର ଅଶ୍ଳିଳ ଭାଷାରେ ଗାଳି ଗୁଳଜ କରିବା ସହ ଲାଇନିମ୍ୟାନ ଶ୍ରୀ ସୁକାରିଙ୍କୁ କାଠ ପାଳିଆରେ ମାଡ ମାରିଥିବା ସମ୍ପର୍କରେ ସତ୍ୟବାଦୀ ଥାନାରେ ଅଭିଯୋଗ ହୋଇଥିଲା । ମହିଳା ଜଣଙ୍କ କାଠ ଫାଳିଆରେ ମାଡ ମାରୁଥିବା ପ୍ରମାଣ ଦେଇଥିଲେ । ଏହାକୁ ଭିତ୍ତିକରି ଦୁର୍ଗା ପ୍ରସାଦ ମିଶ୍ରଙ୍କୁ ଗିରଫ କରିବା ସହ ୧୩୫/୨୦୧୯ରେ କେସ ରୁଜ କରାଯାଇ ଆଜି ତାଙ୍କୁ କୋର୍ଟକୁ ପଠାଯାଇଛି । ଏଏସଆଇ ବାନାମ୍ବର ବେହେରାଙ୍କୁ କେସ ତଦନ୍ତ କରୁଥିବା ଜଣାପଡିଛି ।
ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି
