ପୁଲିସ ଉପନିରୀକ୍ଷକଙ୍କ ବଦଳି ପ୍ରତିବାଦରେ ଧାରଣା

ବେଗୁନିଆ---- ବେଗୁନିଆ ଥାନାରେ କାର୍ଯ୍ୟରତ ଆରକ୍ଷୀ ଉପନିରୀକ୍ଷକ ବିଜୟ କୁମାର ମଲିକଙ୍କ ବଦଳି ବାତିଲ ପ୍ରତିବାଦରେ ଶତାଧିକ ମହିଳା ପୁରଷ ଧାରଣା ଦେଇଥିଲେ । ଶୁକ୍ରବାର ପୂର୍ବାହ୍ନରେ ମୌସୁମୀ  ବର୍ଷା  ସତ୍ୱେ  ମହିଳା ଗୋଷ୍ଠୀ,ସଚେତନ ନାଗରିକ, ବୁଦ୍ଧିଜୀବୀ, ବିଭିନ୍ନ ସ୍ୱେଚ୍ଛାସେବୀ ଅନୁଷ୍ଠାନର ସଦସ୍ୟ ସଦସ୍ୟାମାନେ   ଥାନା କାର୍ଯ୍ୟାଳୟ  ଆଗରେ ଧାରଣା ଦେଇଥିଲେ । ଏଥିସହ ଉପ ନିରୀକ୍ଷକଙ୍କ ବଦଳି ବାତିଲ କରିବା ସହ ପୁନର୍ବାର ବେଗୁନିଆ  ଥାନାରେ କାର୍ଯ୍ୟ କରିବା ପାଇଁ  ଖୋର୍ଦ୍ଧା ଜିଲ୍ଲା  ଆରକ୍ଷୀ ଅଧିକ୍ଷକଙ୍କ ଉଦ୍ଦେଶ୍ୟରେ ଏକ ଲିଖିତ ଦାବୀପତ୍ର ପଠା ଯାଇଥିଲା ।  ବେଗୁନିଆ ଥାନାରେ ଆରକ୍ଷୀ ଉପନିରୀକ୍ଷକ ଭାବରେ   ଦୀର୍ଘ ୧ ବର୍ଷ  ଧରି କାର୍ଯ୍ୟରତ ଶ୍ରୀ ମଲ୍ଲିକ ଜଣେ କର୍ତବ୍ୟନିଷ୍ଠ,ଦକ୍ଷ , ଦାୟିତ୍ୱବାନ ପୁଲିସ ଅଧିକାରୀ ଭାବରେ ସ୍ଥାନୀୟ ଜନସାଧାରଣଙ୍କୁ ଉଚିତ ନ୍ୟାୟ ପ୍ରଦାନ କରି ଆସୁଛନ୍ତି । ବିଭିନ୍ନ ଅପରାଧିକ କାର୍ଯ୍ୟକଳାପରେ ସଂଶ୍ଲିଷ୍ଟ ବ୍ୟକ୍ତିଙ୍କୁ ଉଚିତ  ଦଣ୍ଡ ଦେବା ,ଶିଶୁ ଓ ମହିଳା  ମାନଙ୍କୁ ସୁରକ୍ଷା ଦିଗରେ ଯଥେଷ୍ଟ ଯତ୍ନବାନ ହୋଇ ସ୍ଥାନୀୟ ଅଞ୍ଚଳରେ  ପ୍ରଶଂସାଭାଜନ ହୋଇପାରିଛନ୍ତି । ଆଗାମୀ ଦିନରେ ଶ୍ରୀ ମଲିକଙ୍କ ବଦଳି  ବାତିଲ କରା ନ ଗଲେ ରାସ୍ତାରୋକ ଭଳି ପନ୍ଥା ଅବଲମ୍ବନ କରାଯିବ ବୋଲି ସ୍ଥାନୀୟ ଜନସାଧାରଣ ମାନେ  ଚେତାବନି ଦେଇଛନ୍ତି ।
 ବେଗୁନିଆରୁ ଯୋଗେଶ୍ୱର ପଣ୍ଡା