ଭିଜିଲାନସ ଜାଲରେ ଧଳାପଥର ଫାଣ୍ଡି ଅଧିକାରୀ

ବେଗୁନିଆ---- ବେଗୁନିଆ ଥାନା ଅଧିନରେ ଥିବା ଧଳାପଥର ଫାଣ୍ଡି ଅଧିକାରୀ ଅଶୋକ କୁମାର ପଣ୍ଡା ଏକ ଜମିଜମା କେସର ଦଫାରଫା କରିବା ପାଇଁ  ଆଜି  ଅପରାହ୍ନରେ ଜନୈକ ବ୍ୟକ୍ତିଙ୍କ ଠାରୁ ଫାଣ୍ଡି ରେ୨୦ ହଜାର ଟଙ୍କା ଲାଞ୍ଚ ନେଉଥିବା ବେଳେ  ଖୋର୍ଦ୍ଧା ଓ ଭୁବନେଶ୍ୱର ଭିଜିଲାନସ କର୍ମଚାରୀ ମାନଙ୍କ ହାତରେ  ଧରାପଡି  ଗିରଫ ହୋଇଛନ୍ତି । ସଂପୃକ୍ତ ଫାଣ୍ଡି ଅଧିନରେ  କୋଦୁଅବେରେଣୀ  ବାଇପାସ ନିକଟରେ ଥିବା  ଏକ ଜମିକୁ ନେଇ ଆଶିଷ କୁମାର ପଣ୍ଡା ଏବଂ ଭୋଳାନାଥ ବେହେରାଙ୍କ  ମଧ୍ୟରେ  ବିବାଦ  ଲାଗି ରହିଥିଲା । ଏ ସମ୍ପର୍କରେ ଫାଣ୍ଡିରେ କେସରୁଜ ହୋଇଥିଲା । ଆଶିଷ କୁମାର ପଣ୍ଡାଙ୍କ ବିରୁଦ୍ଧରେ ରୁଜୁ ହୋଇଥିବା କେସକୁ କୋହଳ କରିବା ପାଇଁ   ଫାଣ୍ଡି ଅଧିକାରୀ ଶ୍ରୀ ପଣ୍ଡାଙ୍କ ଦାବୀ ମୁତାବକ  ଅପରାହ୍ନରେ  ପୂର୍ବ ଯୋଜନା ମୁତାବକ  ଆଶିଷ ୨୦ ହଜାର ଟଙ୍କା ଲାଞ୍ଚଦେଉଥିବା ସମୟରେ ଖୋର୍ଦ୍ଧା ଓ ଭୁବନେଶ୍ୱରର  ସ୍କ୍ୱାର୍ଡ  ପହଞ୍ଚି ତାଙ୍କୁ ଧରିବାରେ ସକ୍ଷମ ହୋଇଛନ୍ତି ।
 ବେଗୁନିଆରୁ ଯୋଗେଶ୍ୱର ପଣ୍ଡା