ବିଦ୍ୟାଳୟର ତାଲାଭାଙ୍ଗି ଚୋରି

ବେଗୁନିଆ---- ବେଗୁନିଆରେ ଅବସ୍ଥିତ  ଜଗନ୍ନାଥପୁର ପ୍ରାଥମିକ ବିଦ୍ୟାଳୟରୁ ଗତକାଲି ରାତିରେ  କେହି ଦୁର୍ବୁତ  ୩ ଗୋଟି କୋଠରୀର ଚାବି ଭାଙ୍ଗି ବିଦ୍ୟାଳୟ  ସମସ୍ତ ଜିନିଷପତ୍ର ଲୁଟି ନେଇ ଯାଇଥିବାର ଥାନାରେ  ଭାରପ୍ରାପ୍ତ ପ୍ରଧାନଶିକ୍ଷୟିତ୍ରୀ  ସୂର୍ଯ୍ୟମଣୀ ସାହୁ ଅଭିଯୋଗ କରିଛନ୍ତି । ବିଦ୍ୟାଳୟରେ ଥିବା ୩ ଟି ଫ୍ୟାନ,୨ ବସ୍ତା ଚାଉଳ,ଫିଲଟର,ରୋଷେଇ ବାସନ ଓ ଆଲମିରା ଚାବିଭାଙ୍ଗି ବିଭିନ୍ନ କାଗଜାତ ନଷ୍ଟ କରିବା ସହ ଆଲମିରାରେ ଥିବା ୩୩ ଶହ ଟଙ୍କା ନେଇଯାଇଛନ୍ତି । ଦରକାରୀ କାଗଜାତ ଗୁଡିକ ଆଲମିରାରୁ ବାହାର କରି ଘରସାରା ବିଛାଡି ପକାଇଛନ୍ତି । ଏ ସମ୍ପର୍କରେ  ଭାରପ୍ରାପ୍ତ ପ୍ରଧାନଶିକ୍ଷୟିତ୍ରୀ  ବେଗୁନିଆ ବିଇଓଙ୍କୁ ଜଣାଇବା ସହ ପୋଲିସରେ ଅଭିଯୋଗ କରିବା ପରେ ଥାନା ଏସଆଇ ଶ୍ରୀକାନ୍ତ କୁମାର ପଣ୍ଡା ଓ ଏଏସଆଇ ସନାତନ ମଲିକ  ଘଟଣାସ୍ଥଳ ପରିଦର୍ଶନ କରି ଫେରିଛନ୍ତି ।
 ବେଗୁନିଆରୁ ଯୋଗେଶ୍ୱର ପଣ୍ଡା