 |
| Baragarh |
ବରଗଡ--- ବରଗଡ ଜିଲ୍ଲାର ଅତାବିରା ବ୍ଳକରେ ଚାଲିଥିବା ଟୋକନ ବିରୋଧରେ ଚାଲିଥିବା ଚାଷୀ ଆନ୍ଦୋଳନ ଆଜି ଚତୁର୍ଥ ଦିବସରେ ପହଞ୍ଚିଛି । ଗତକାଲି ଚାଷୀ ମାନେ ଦେଇଥିବା ବନ୍ଦ ଡାକରାକୁ ଅତାବିରା ବ୍ୟବସାୟୀ ସଂଘ ସମର୍ଥନ କରି ସମସ୍ତ ବ୍ୟବସାୟ ପ୍ରତିଷ୍ଠାନ ବନ୍ଦ କରିଥିଲେ । ମାତ୍ର ଚାଷୀ ମାରଣ ସରକାର ଏ ଦିଗପ୍ରତି ନଜର ନ ଦେଇ କୁମ୍ଭକର୍ଣ୍ଣ ନିଦ୍ରାରେ ଶୋଇଛନ୍ତି । ଏପରିକି ରାଜ୍ୟ କୃଷିମନ୍ତ୍ରୀ ଟୋକନ ବ୍ୟବସ୍ଥା ଉଠିବ ନାହିଁ ବୋଲି ରୋକଠୋକ ଜବାବ ରଖିଛନ୍ତି । ଯାହାକୁ ନେଇ ଚାଷୀ ମାନଙ୍କୁ କୁଠାରଘାତ କରିଛି ।
ଏପରିକି ଜଣେ ମନ୍ତ୍ରୀ ଚାଷୀ ମାନଙ୍କ ଦାବି ନ ଶୁଣି ତାଙ୍କ ଜିଦରେ ସେ ଅଠଲ ରହିଛନ୍ତି ବୋଲି ଚାଷୀ ମାନେ କହିଛନ୍ତି । ଏବେ ଏହି ଆନ୍ଦୋଳନ ବିଭିନ୍ନ ଅଞ୍ଚଳକୁ ବ୍ୟାପିବାରେ ଲାଗିଛି । ଯାହା ଫଳରେକି ବିଭିନ୍ନ ଜିଲ୍ଲାର ଚାଷୀ ସଂଗଠନର କର୍ମକର୍ତ୍ତା ମାନେ ଏହି ଆନ୍ଦୋଳନରେ ସାମିଲ ହେଉଛନ୍ତି । ଆଜି ଧାନମଣ୍ଡିରୁ ଧାନ ଆଣି ଚାଷୀ ମାନେ ଗୋଡଭଗା ଠାରୁ ଅତାବିରା ରାସ୍ତା ଉପରେ ଗଦା କରି ଗାଡିମୋଟର ବନ୍ଦ କରି ଦେଇଛନ୍ତି । ଏପରିକି ଯେତେ ଦିନ ପର୍ଯ୍ୟନ୍ତ ସରକାର ଟୋକନ କିଣା ନିୟମ ନ ଉଠାଇଚନ୍ତି ସେତେ ଦିନ ପର୍ଯ୍ୟନ୍ତ ଚାଷୀ ରାଜପଥରେ ଧାନ ଗଦା କରି ତାର ହକ ପାଇଁ ଆନ୍ଦୋନ ଜାରି ରଖିବ ବୋଲି କହିଛନ୍ତି । ଦେଖିବାକୁ ରହିଲା ଚାଷୀଙ୍କ ଦୁଖଃ ବା ଦାବି ସରକାର କେବେ ଗ୍ରହଣ କରୁଛନ୍ତି । ଏପରିକି ଚାରିଦିନ ଧରି ଆନ୍ଦୋଳନ ଚାରି ରହିଥିବା ବେଳେ ଜିଲ୍ଲା ପ୍ରଶାସନ ବା ରାଜ୍ୟ ସରକାରଙ୍କ ପକ୍ଷରୁ କୌଣସି ଉଚ୍ଚ ପଦସ୍ଥ ଅଧିକାରୀ ଆନ୍ଦୋଳନ କାରୀ ଙ୍କ ସହ ଆଲେଚନା କରିବାକୁ ନ ଆସିବା ବଡ ଦୁଭାଗ୍ୟର କଥା ବୋଲି ବରଗଡ ଜିଲ୍ଲାର ବୁଦ୍ଧିଜିବୀ ଓ ଜନପ୍ରତିନିଧି ମାନେ ଦୁଖ ପ୍ରକାଶ କରିଛନ୍ତି । ତୁରନ୍ତ ସରକାରଙ୍କ ପକ୍ଷରୁ ଉଚ୍ଚ ଅଧିକାରୀ ମାନେ ଚାଷୀ ମାନଙ୍କ ସହ ଆଲେଚନା କରି ଏହାର ସମାଧାନ କରିବା ପାଇଁ ଦାବି ହେଉଛି । ଧାନ କିଣାକୁ ନେଇ ଅନ୍ୟ ପକ୍ଷେ ଠିକ ଏହିପରି ପ୍ରତିବାଦ ଚାଷୀ ମାନେ ୧୩ ବର୍ଷ ପରେ କରିଥିବାର ଜଣାପଡିଛି ।
ବରଗଡରୁ ନବୀନ କୁମାର ଦାଶଙ୍କ ରିର୍ପୋଟ
