ଖଣ୍ଡପଡ଼ା ତହସିଲରେ ବସୁନ୍ଧରା ଯୋଜନା ପ୍ରହସନ ପାଲଟିଛି,ଲୋକଙ୍କଜାଗା ନଥିବାରୁ ବାସିନ୍ଦା ପ୍ରମାଣପତ୍ର ଓ ଆବାସ ଯୋଜନାରୁ ବଞ୍ଚିତ; ଜିଲ୍ଲାପାଳ ଦୃଷ୍ଟି ଦେବାକୁ ଦାବି
ନୟାଗଡ ଜ଼ିଲ୍ଲା ଖଣ୍ଡପଡାବ୍ଲକ ଅନ୍ତର୍ଗତ ରୟତଢୋଲମରାବଡ ହରିଜନ ସାହିର,ପନ୍ଦରରୁ ଉର୍ଦ୍ଧ୍ବପରିବାର ବସୁନ୍ଧରା ଯୋଜନାରେ ଘର ଡ଼ିହ ଓ ଆବାସ ପାଇବାରୁ ବଞ୍ଚିତ। ଆମପ୍ରତିନିଧି ଖବରନେବାରେ ଜଣାଗଲାଯେ ଆଜକୁ20ବର୍ଷ ରୁ ଉର୍ଦ୍ଧ୍ବହେଲା,ରୟତଢୋଲମରାବଡ ହରିଜନସାହିଥିବା ପନ୍ଦର ରୁ ଉର୍ଦ୍ଧ୍ବପରିବାର ଘର ଡ଼ିହ ଓ ଇନ୍ଦିରା ଆବାସରୁ ବଞ୍ଚିତ ହୋଇ ଝାଟିମାଟି ପାଲଟଣା ଘରେ ରହୁଛନ୍ତି । ସବିତା ନାଏକ, କଉନାଏକ,ପୁଷ୍ପଳତାନାଏକ, ସୁମୀନାଏକ, କାଞ୍ଚନ ନାଏକ, ମିନତୀ ନାଏକ,,ପ୍ରତିମା ନାଏକ, ଲତା ନାଏକ, ଟୁନି ନାଏକ, ସୁମନ୍ତି ନାଏକ, ସୁମୀ ନାଏକ ପ୍ରମୁଖଙ୍କ ସୂର୍ଯ୍ୟ ରାତିରେ ଜହ୍ନ ଆଲୁଅକୁ ଦେଖି ଘରେ ରହୁଛନ୍ତି । ଉକ୍ତମହିଳା ମାନଙ୍କ ଅଭିଯୋଗ ଯେ ଆବାସଗୃହ ଓ ବସୁନ୍ଧରା ଯୋଜନାରେ ଡ଼ିହ ଖଣ୍ଡେ ପାଇବା ନିମନ୍ତେ ନେତାଙ୍କଠାରୁ ଆରମ୍ଭ କରି ଖଣ୍ଡପଡ଼ା ତହସିଲଦାର, ରାଜସ୍ୱ ନିରୀକ୍ଷକଙ୍କୁ ଜଣାଇଥିଲେ ମଧ୍ୟ କେହି କର୍ଣ୍ଣପାତ କରୁନାହାନ୍ତି ବୋଲି ଅଭିଯୋଗ ହୋଇଛି। ଏମାନେ ଗରିବ ଲୋକ ଓ ଅର୍ଥ ଅଭାବ ରୁ ଘର ଖଣ୍ଡିଏ କରିପାରୁନାହାନ୍ତି । ଏମାନଙ୍କ ପାଇଁ ଘରଡ଼ିହ ଓସରକାରଙ୍କ ଆବାସଯୋଜନା ସାତ ସପନ ହୋଇରହିଛି। ତେବେ ଏ ମାନେ ଅର୍ଥ ଅଭାବରୁ ଚାଳ ଛପର କରି ପାରୁନଥିବା ବେଳେଷସାଧାରଣ ଜରି ପାଲଖଣ୍ଡେ ଯୋଗାଇ ଦିଆ ଯାଉ ନଥିବାର ଅଭିଯୋଗ କରିଛନ୍ତି।କେବଳ ଭଗବାନ ଙ୍କଉପରେ ଭରସା କରି ରହୁଛନ୍ତି । ପିଲାମାନେ ତହସିଲ ଅଫିସରୁ , ସ୍ଥାୟୀ ବାସିନ୍ଦା ପ୍ରଣାମ ପତ୍ର, ନପାଇପାଠପଢିବାରୁ ବଞ୍ଚିତ ହୋଇରହିଛନ୍ତି,।ତୁରନ୍ତ ଘରଡିହ ପଟା ଓ ଆବାସଯୋଜନା ରେ ଘରଯୋଗାଇ ଦେବାକୁ ଗ୍ରାମବାସୀ ମାନେ ଜିଲାପାଳଙ୍କୁ ଅନୁରୋଧ କରିଛନ୍ତି ।ଗଣମାଧ୍ୟମ ରେ ଖବର ପ୍ରସାରଣ ହେଲା ପରେ ପ୍ରଶାସନ କଣ ପଦକ୍ଷେପ ଗ୍ରହଣ କରୁଛି, ତାହା ଦେଖିବାକୁ ବାକିରହିଲା।
ନୟାଗଡରୁ ନିରଞ୍ଜନ ଦାସଙ୍କ ରିପୋର୍ଟ,୯/୧୧/୨୦୨୨---୯,୪୦ Sakhigopal News,9/11/2022
