ସାକ୍ଷୀଗୋପାଳ-- ସତ୍ୟବାଦୀ ପ୍ରଶାସନ ଏବେ ଅଁଳାନବମୀ ଯାତ୍ରା ପାଇଁ ଏବେ ଚଳଚଞ୍ଚଳ ହୋଇପଡିଛି । ସତ୍ୟବାଦୀ ତହସିଲଦାର ସନ୍ତୋଷ ପ୍ରାଣିଗ୍ରାହୀ ଓ ସତ୍ୟବାଦୀ ଥାନା ଅଧିକାରୀ ବିଜୟ କେତନ ବେହେରା ଏବେ ଆକ୍ସନ ମୁଡରେ ରହିଛନ୍ତି । ବସଷ୍ଟାଣ୍ଡ ଠାରୁ ସାକ୍ଷୀଗୋପାଳ ମନ୍ଦିର ପର୍ଯ୍ୟନ୍ତ ପ୍ରଥମେ ଛାମୁଡିଆ, ହୋଡିଂ ଓ ବିଭିନ୍ନ ଲାଇଟି ବୋଡ ଉଠାଇଲା । ପରେ ପରେ ସରକାରୀ ରାସ୍ତା ଉପରେ ଥିବା ପିଣ୍ଡା, ପାହାଚ, ସିମେଣ୍ଟ ଡଲେଇ କରି ଗାଡି ମଟର ବା ଉଠା ଦେକାନୀ ମାନେ ବସୁଥିଲେ । ସେ ଗୁଡିକ ଏବେ ଜେସିବି ମେସିନ ଲଗାଇ ଭାଙ୍ଗି ଦେବା ସହ ଗୋଡି ସିମେଣ୍ଟଡଳେଇ ଗୋଡି ଗୁଡିକ ଉଠାଇ ନେଉଛି । ଯାହାକୁ ନେଇ ସତ୍ୟବାଦୀରେ ଏବେ ବେଶ ଆଲେଚନାର ବିସୟ ହୋଇପଡିଛି । ବ୍ୟବସାୟୀ ମାନେ ଏବେ ଚିନ୍ତାରେ ପଡିଯାଇଛନ୍ତି । ଯେଉଁପରି ଭାବେ ପ୍ରଶାସନ ଆକ୍ସନ ମୁଡରେ ରହିଛି କେଉଁ ସମୟରେ କ’ଣ କରୁଛି ତାହା କହିବା କଷ୍ଟକର ହୋଇପଡିଛି । ଅନ୍ୟ ପକ୍ଷେ ବ୍ୟବସାୟୀ ମାନେ କହନ୍ତି ଆମେ ଏଥର ଭୋଟ ଦେଇଛୁ । ଅଁଳାନବମୀ ଯାତ୍ରାରେ ଭୋଗିବାକୁ ପଡୁଛି । ସେହିପରି ଅନ୍ୟ କିଛି ବ୍ୟବସାୟୀ ମାନେ କହନ୍ତି ଏହାକ’ଣ ପୁରୀ ଚାରିନଳା ପରି ହେବ ନାହିଁତ । ଦେଖାଯାଉ ରାତି ପାହିଲେ ପ୍ରଶାସନ କେଉଁ ଆକ୍ସନ ମୁଡରେ ରହିଛି ତାହା ଦେଖିବାକୁ ବାକି ରହିଛି ବୋଲି ବ୍ୟବସାୟୀ ମାନେ କହନ୍ତି । ସାକ୍ଷୀଗୋପାଳ ମନ୍ଦିର କାର୍ଯ୍ୟନିର୍ବାହୀ ଅଧିକାରୀଙ୍କ କାର୍ଯ୍ୟାଳୟ ନିକଟରେ ଥିବା ବହୁ ପୁରାତନ କୋଠା ଏପରିକି ବିପଦପୁର୍ଣ୍ଣ ବୋଲି ଘୋଷଣା କରାଯାଇଥିଲା । ତାହା ଏବେ ସତ୍ୟବାଦୀ ତହସିଲଦାର ତଥା ମନ୍ଦିର କାର୍ଯ୍ୟନିର୍ବାହୀ ଅଧିକାରୀ ସନ୍ତୋଷ କୁମାର ପାଣିଗ୍ରାହୀ ଙ୍କ ତତ୍ୱବଧାନରେ ମାଟିରେ ମିଶାଯାଇଛି ।
ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି, ୨୫/୧୦/୨୦୨୫--୭,୨୫ Sakhigopal News, 25/10/2025
