ଡେଲାଙ୍ଗ ପୋଲିସକୁ ପୁଣି ସଫଳତା ; ଅନ୍ତରାଜ୍ୟ ମୋଟର ସାଇକେଲ ଗ୍ୟାଙ୍ଗର ୪ଜଣ ସଦସ୍ୟ ଗିରଫ; ୨୫ ମଟର ସାଇକେଲ ଜବତ
ଡେଲାଙ୍ଗ ଥାନା ଉପ ନୀରିକ୍ଷକ ଲଇକା ମାହରଣାଙ୍କ ସୁଚନା ଅନୁଯାୟୀ ୫ ତାରିଖ ଦିନ ବେଗୁନିଆପଡା ଗ୍ରାମର ଟୁକୁନା ବେହେରାଙ୍କ ଘର ଉପରେ ଡେଲାଙ୍ଗ ପୋଲିସ ଅଚାନକ ଚଡାଉ କରିବା ସମୟରେ ୫ ଗୋଟି ମୋଟର ସାଇକେଲ ଜବତ କରିଥିଲେ । ପୋଲିସର ଜେରା ସମୟରେ ଟୁକୁନା ନିଜର ସହଯୋଗୀ ମାନଙ୍କ ସହିତ ଭୁବନେଶ୍ୱର, ନୟାଗଡ, ଖୋର୍ଦ୍ଧା, ଗଞ୍ଜାମ କଟକ ଓପୁରୀ ଜିଲ୍ଲାର ବିଭିନ୍ନ ସ୍ଥାନରୁ ମୋଟର ସାଇକେଲ ଗୁଡିକ ଚୋରି କରିଥିବା ବିଷୟ ସ୍ୱୀକାର କରିଥିଲେ । ଏ ସମ୍ପର୍କରେ ଡେଲାଙ୍ଗ ଥାନା କେସନଂ- ୧୧୧/୨୦୨୦ରେ ଏକ କେସ ରୁଜ କରାଯାଇ ତଦନ୍ତ କରାଯାଇଥିଲା । ଏ ସମ୍ପର୍କରେ ପୁରୀ ଜିଲ୍ଲା ଆରକ୍ଷୀ ଅଧିକ୍ଷକ ଅଖିଳେଶ୍ୱର ସିଂଙ୍କ ପ୍ରତ୍ୟକ୍ଷ ତତ୍ୱାବଧାନରେ ଏକ ଟିମ ଗଠନ କରାଯାଇଥିଲା । ପିପିଲି ଉପଖଣ୍ଡ ଆରକ୍ଷୀ ଅଧିକାରୀ ଦେବଦତ୍ତ ବରାଳ, ଆଇଆଇସି ରଶ୍ମି ରଞ୍ଜନ ପଟ୍ଟନାୟକ, ହୋମଗାଡ ପ୍ରମୋଦ କୁମାର ସେଠୀ, କନେଷ୍କବଳ ଜିତେନ୍ଦ୍ର କୁମାର ସ୍ୱାଇଁ, ପ୍ରଶାନ୍ତ କୁମାର ପ୍ରଧାନ ଉକ୍ତ ଟିମ ଏହି ସଫଳତା ହାସଲ କରିଥିଲେ । ଏହି ମୋଟର ସାଇକେଲ ଚୋର ଗ୍ୟାଙ୍ଗର ସଦସ୍ୟ ମାନେ ହେଲେ ଟୁକୁନା ବେହେରା ଓ ପବିତ୍ର କୁମାର ମଲ୍ଲିକ ବେଗୁନିଆପଡା ହୋଇଥିବା ବେଳେ ନଟବର ଜେନା ଓ କୃଷ୍ଣଚନ୍ଦ୍ର ପାହାଡସିଂ ଡେଲାଙ୍ଗ ଥାନା କୁଆପଦା ଗ୍ରାମର ବୋଲି ଜଣାପଡିଛି । ଏହି ପେଷାଦାର ଅପରାଧୀ ଦଳର ଅନ୍ୟ ୪ଜଣ ଯୁବକ ଫେରାର ହୋଇଯାଇଛନ୍ତି । ସେମାନଙ୍କୁ ବହୁ ଶିଘ୍ର ଗିରଫ କରାଯିବ ବୋଲି ଏସଡିପିଓ ଶ୍ରୀ ବରାଳ ସାମ୍ବାଦିକ ସମ୍ମଳନୀରେ କହିଛନ୍ତି । ଏହି ଚାରି ଜଣଙ୍କ ଠାରୁ ବୁଲେଟ ମୋଟର ସାଇକେଲ ୩ଟି ବାଜାଜ ପଲସର ୭ଟି, ଡିଭିଏସ ଆପାଚୀ-୨ଟି, ହୋଣ୍ଡା ହନେଟ-୧, ୟାମା୧, କାୱାସିକ ବକ୍ସର୧, ହିରୋପ୍ୟାସନ ପ୍ରୋ୩ ଓ ସିଡି ଡିଲକ୍ସ ମୋଟର ସାଇକେଲ ୨ଗୋଟି ଜବତ କରାଯାଇଛି । ଆଜି ୪ଜଣଙ୍କୁ କୋର୍ଟକୁ ଚାଲାଣ କରାଯିବ । ଏହା ସହିତ ବିଭିନ୍ନ ଥାନାକୁ ଏ ସମ୍ପର୍କରେ ଜଣାଇ ଦିଆଯାଇଛି ସେମାନେ ଆବଶ୍ୟକ ପଡିଲେ ରିମାଣ୍ଡାଇରେ ଆଣି ସେମାନଙ୍କ ଥାନାରେ ଥିବା କେସ ଗୁଡିକ ତଦନ୍ତ କରି ପାରିବେ ବୋଲି ଏସଡିପିଓ ଶ୍ରୀ ବରାଳ ସୁଚନା ଦେଇଛନ୍ତି । 
ଡେଲାଙ୍ଗରୁ ଧୀରେନ୍ଦ୍ର ସେନାପତି
