ଡେଲାଙ୍ଗ---- ଡେଲାଙ୍ଗ ଥାନା ଅନ୍ତର୍ଗତ ସୁଜନପୁର ଗ୍ରାମ ପଞ୍ଚାୟତର ପଟନପୁର ଗ୍ରାମର କେଳୁଚରଣ ସାହୁ (୭୨) ସାଇକେଲ ଯୋଗେ ଘରକୁ ଫେରଥିବା ସମୟରେ ବ୍ରିଜ ତଳକୁ ଖସି ପଡି ମୃତ୍ୟୁ ହୋଇଛି । ଘଟଣାରୁ ପ୍ରକାଶ ଯେ ପଠନପୁର ଗ୍ରାମର କେଳୁ ଚରଣ ସାହୁ ବୁଧବାର ଡେଲାଙ୍ଗ ହାଟ ବଜାରରୁ କାମ ସାରି ସାଇକେଲ ଯୋଗେ ଘରକୁ ଫେରୁଥିଲେ । ପଟନପୁର ବ୍ରିଜଟି ୫ ବର୍ଷ ତଳୁ କାମ ସରିଥିଲେ ମଧ୍ୟ ଆଜି ପର୍ଯ୍ୟନ୍ତ ବ୍ରିଜର ଦୁଇ ପଟ ରାସ୍ତା ସହିତ ସଠିକ ସଂଯୋଗ ହୋଇନାହିଁ ବା ବ୍ରିଜର ବାଡ ନାହିଁ । ଯାହା ଫଳରେ ବ୍ରିଜ ତଳକୁ ବୃଦ୍ଦ ଖସି ପଡିଥିଲେ । ତାଙ୍କୁ ସଙ୍ଗେ ଡେଲାଙ୍ଗ ସ୍ୱାସ୍ଥ୍ୟ କେନ୍ଦ୍ରକୁ ନିଆଯାଇଥିଲା । ସେଠାରେ ଡାକ୍ତରତାଙ୍କୁ ମୃତ୍ୟୁ ଘୋଷଣା କରିଥିଲେ । ଏହାକୁ ନେଇ ସେଠାରେ ଚାପ ଉତ୍ତେଜନା ପ୍ରକାଶ ପାଇଛି । ଘଟଣା ସ୍ଥଳରେ ଡେଲାଙ୍ଗ ପୋଲିସ ଉପସ୍ଥିତ ରହିଛନ୍ତି । ଡେଲାଙ୍ଗରୁ ଧୀରେନ୍ଦ୍ର ସେନାପତି
 |
| Delang |
