ରେଲୱେ ହସ୍ପିଟାଲରେ “ଆନ୍ତର୍ଜାତୀୟ ନର୍ସ ଦିବସ” ପାଳିତ
ଏହି ଉଦ୍ଧାରକାରୀ ମାନଙ୍କୁ ଅଭିନନ୍ଦନ ଜଣାଇବା ଉଦ୍ଦେଶ୍ୟରେ ଖୋର୍ଦ୍ଧା ରୋଡ଼ ଡିଭିଜନାଲ ରେଲୱେ ହସ୍ପିଟାଲରେ ଆନ୍ତର୍ଜାତୀୟ ନର୍ସ ଦିବସ ପାଳିତ ହୋଇଯାଇଛି। ଏହି ଅବସରରେ ଡI. ଡି.ଶରତ ବାବୁ, ମୁଖ୍ୟ ଚିକିତ୍ସା ଅଧୀକ୍ଷକ(ସିଏମ୍ଏସ୍), ତାଙ୍କ ସହ ଧର୍ମିଣୀ ଶ୍ରୀମତୀ ଡି. ଏସ. ୱାନି, ଡI.ପି. କେ ଦାସ, ଏସିଏମ୍ଏସ୍, ଶ୍ରୀମତୀ ଉର୍ମିଲା ଦାସ, ସହକାରୀ ନର୍ସିଂ ଅଧିକାରୀ, ରେଲୱେ ହସ୍ପିଟାଲର ଅନ୍ୟ ଡାକ୍ତର, ନର୍ସ ଏବଂ ପାରାମେଡିକାଲ୍ କର୍ମଚାରୀ ମାନେ ଏହି କାର୍ଯ୍ୟକ୍ରମରେ ଉପସ୍ଥିତ ଥିଲେ । ଡିଭିଜନାଲ ରେଳ ହସ୍ପିଟାଲର ସମସ୍ତ ନର୍ସ “ଫ୍ଲୋରେନ୍ସ ନାଇଟିଙ୍ଗାଲ୍ ପ୍ରତିଶୃତି” ପାଳନ କରିବା ପାଇଁ ଶପଥ ନେଇଥିଲେ । ନିଜ ବୃତ୍ତିକୁ ବିଶ୍ୱସ୍ତ ଭାବରେ ଅଭ୍ୟାସ କରିବେ ଏବଂ ସମାଜର କଲ୍ୟାଣ ପାଇଁ ନିଜକୁ ଉତ୍ସର୍ଗ କରିବେ ବୋଲି ପ୍ରତିଶୃତି ନେଇଥିଲେ। ଡକ୍ଟର ଶରତ କହିଛନ୍ତି ଯେ ନର୍ସମାନଙ୍କ ନିସ୍ୱାର୍ଥପରତା ଏବଂ ନିଷ୍ଠା ସମଗ୍ର ମାନବ ସମାଜ ପାଇଁ ଏକ ପ୍ରେରଣା। ଏହି ଅବସରରେ ପର୍ଯ୍ୟବେକ୍ଷଣର ଏକ ଅଂଶ ଭାବରେ ଡିଭିଜନାଲ ରେଳ ହସ୍ପିଟାଲରେ କାର୍ଯ୍ୟ କରୁଥିବା ନର୍ସମାନେ ଡାକ୍ତରଖାନାର ରୋଗୀମାନଙ୍କୁ ଫଳ ବଣ୍ଟନ କରିଥିଲେ। ସନ୍ଧ୍ୟାରେ ନର୍ସ ଏବଂ ସେମାନଙ୍କ ପିଲାଙ୍କ ଦ୍ୱାରା ଏକ ରଙ୍ଗୀନ ସାଂସ୍କୃତିକ କାର୍ଯ୍ୟକ୍ରମ ଆୟୋଜିତ କରାଯାଇଥିଲା |
ଜଟଣୀ ରୁ ରଙ୍ଗନାଥ ବେହେରାଙ୍କ ରିପୋର୍ଟ,୧୨/୫/୨୦୨୩----୮,୧୦ Sakhigopal News,12/5/2023
