ଜିଲ୍ଲାପାଳଙ୍କ ଅଭିଯୋଗ ଶୁଣାଣୀ ଶିବିର

ବେଗୁନିଅ---- ବେଗୁନିଆ  ପଞ୍ଚାୟତ ସମିତି କାର୍ଯ୍ୟାଳୟ  ରାଜୀବଗାନ୍ଧୀ ସେବାକେନ୍ଦ୍ର ପରିସରରେ  ଜିଲ୍ଲାପାଳଙ୍କ ଅଭିଯୋଗ ଶୁଣାଣୀ ଶିବିର  ଅନୁଷ୍ଠିତ ହୋଇ ଯାଇଛି  ।   ପଞ୍ଚାୟତ ସମିତି ଅଧ୍ୟକ୍ଷା  ଜାନକୀ ସ୍ୱାଇଁଙ୍କ ସଭାପତିତ୍ୱରେ ଅଭିଯୋଗ ଶୁଣାଣୀ ଶିବିର ଅନୁଷ୍ଠିତ ହୋଇଥିଲା ।  ଖୋର୍ଦ୍ଧା  ଜିଲ୍ଲାପାଳ ସୀତାଂଶୁ କୁମାର ରାଉତ,ଜିଲ୍ଲା ପ୍ରକଳ୍ପ ସଂଯୋଜକ ଦିଗନ୍ତ ରାଉତରାୟ,ଅତିରିକ୍ତ ଜିଲ୍ଲାପାଳ ରବି ନାରାୟଣ ପାଢୀ,ଏସପି  ଅଜେୟ ପ୍ରତାପ ସ୍ୱାଇଁ , ବ୍ଲକ ଉପାଧ୍ୟକ୍ଷା ତନୁଜା ପାଟ୍ଟଶାଣୀ,ବିଡିଓ ରବି ନାରାୟଣ ମାଝୀ ଓ ତହସିଲଦାର ବିବେକାନନ୍ଦ ପରିଡା ସମେତ ସମସ୍ତ ବିଭାଗର ଜିଲ୍ଲା ଓ ବ୍ଲକ  ଅଧିକାରୀ ଉପସ୍ଥିତ ରହି ସମସ୍ୟାର ସମାଧାନ କରିଥିଲେ । ୧୨୧ ଅଭିଯୋଗ  ମଧ୍ୟରୁ ବ୍ୟକ୍ତିଗତ ସମସ୍ୟା ୧୧୪,ଗ୍ରାମବାସୀଙ୍କ ଅଭିଯୋଗ ୭,ରେଡକ୍ରସ ପାଣ୍ଠିରୁ  ୮ ଜଣଙ୍କୁ ୨୬ ହଜାର ସହାୟତାରାଶି,ମୁଖ୍ୟମନ୍ତ୍ରୀ ରିଲିଫ ପାଣ୍ଠିରୁ  ୪ ଜଣଙ୍କୁ ୪୦ ହଜାର ସହାୟତା ରାଶି,ଭତା ୨ ଜଣ,ଟ୍ରାଇ ସାଇକେଲ ୧ ଜଣ ଓ ଅନୁସୂଚିତ  ଜାତିରେ ବିବାହ ୧ ଜଣଙ୍କୁ ୫୦ ହଜାରର ଟଙ୍କାର ଚେକ ପ୍ରଦାନ କରାଯାଇଥିଲା । ଏତଦ୍ବ୍ୟତୀତ ଅଭିଯୋଗ କରିବାକୁ ଆସିଥିବା ଜନସାଧାରଣଙ୍କ ପାଇଁ ବ୍ଲକ ପ୍ରଶାସନ ପକ୍ଷରୁ  ପାଣି କିମ୍ବା ତମ୍ବୁର ବ୍ୟବସ୍ଥା କରାଯାଇ ନଥିବାରୁ  ଲୋକମାନେ ଅସନ୍ତୋଷ ପ୍ରକାଶ କରିଛନ୍ତି ।
 ବେଗୁନିଆରୁ ଯୋଗେଶ୍ୱର ପଣ୍ଡା