ବ୍ରୋଞ୍ଜ ପଦକ ପାଇଲେ ବିର୍ଲା ସ୍କୁଲର ସୁନା ଝିଅ ଶ୍ରେଷ୍ଠା
ସୂଚନା ମୁତାବକ ଜଟଣୀ ଭୁବନେଶ୍ୱର ମୁଖ୍ୟ ରାସ୍ତାରେ ଅବସ୍ଥିତ ଆଦିତ୍ୟ ବିର୍ଲା ସ୍କୁଲର ଦଶମ ଶ୍ରେଣୀ ଛାତ୍ରୀ ଶ୍ରେଷ୍ଠା ଶର୍ମା ଜାତୀୟ ସିବିଏସଇ ସୁଟିଂ ପ୍ରତିଯୋଗିତାରେ ବ୍ରୋଞ୍ଜ ପଦକ ହାସଲ କରିଛନ୍ତି ।ଝାଡ଼ଖଣ୍ଡ ର ରାଜଧାନୀ ରାଞ୍ଚି ଠାରେ ଏହି ସୁଟିଂ ପ୍ରତିଯୋଗିତା ଅନୁଷ୍ଠିତ ହୋଇଥିଲା । 17 ବର୍ଷରୁ କମ ଏହି ପ୍ରତିଯୋଗିତାରେ ସାରା ଦେଶର ପ୍ରାୟ 400 ରୁ ଅଧିକ ସିବିଏସଇ ଛାତ୍ର ଛାତ୍ରୀ ଏଥିରେ ଭାଗ ନେଇଥିଲେ । ସ୍ଥାନୀୟ ଆଦିତ୍ୟ ବିର୍ଲା ସ୍କୁଲର ଦୁଇଜଣ ଶ୍ରେଷ୍ଠା ଶର୍ମା ଏବଂ ଅନ୍ୱେଷ ପଟ୍ଟନାୟକ ଏହି ଜାତୀୟ ସୁଟିଂ ପ୍ରତିଯୋଗିତା ପାଇଁ ମନୋନୀତ ହୋଇଥିଲେ ।ସୁଟିଂ ରେ ଶ୍ରେଷ୍ଠା ବ୍ରୋଞ୍ଜ ପଦକ ପାଇଥିବା ବେଳେ ଅନ୍ୱେଷ 5ମ ସ୍ଥାନରେ ରହିଥିଲେ ।
ଭୁବନେଶ୍ୱର ବୈଷ୍ଣମାତା ବିହାର ବାସିନ୍ଦା ଅମ୍ରିତା ମହାପାତ୍ର ଙ୍କ ଝିଅ ଶ୍ରେଷ୍ଠା ଶର୍ମା କଳିଙ୍ଗ ଷ୍ଟାଡିୟମ ରେ ଥିବା "ଓଡିଶା ଆଦିତ୍ୟ ବିର୍ଲା ଗଗନ ନାରଙ୍ଗ ସୁଟିଂ ରେଞ୍ଜ" ଠାରେ ତାଲିମ ନେଉଛନ୍ତି । ଶ୍ରେଷ୍ଠା ଙ୍କର ଏହି ସଫଳତାକୁ ନେଇ ବିର୍ଲା ସ୍କୁଲର ପ୍ରିନ୍ସିପାଲ ଲକ୍ଷ୍ମୀ ନାରାୟଣ ଦାଶ ଶୁଭେଚ୍ଛା ଜଣାଇଛନ୍ତି । ଜଟଣୀରୁ ରଙ୍ଗନାଥ ବେହେରାଙ୍କ ରିପୋର୍ଟ,୧୫/୧/୨୦୨୩---୮,୧୫ Sakhigopal News,15/1/2023
