ଝୁଲନ୍ତା ଅବସ୍ଥାରେ ପ୍ରେମିଯୁଗଳଙ୍କ ମୃତଦେହ ଉଧାର

 The couple's body was found hanging.

ଭଞ୍ଜନଗର--ଗଞ୍ଜାମ ଜିଲ୍ଲା ତାରସିଂ ଥାନା  ଅନ୍ତର୍ଗତ ଢିମିରିଝୋଳି  ଗ୍ରାମ ନିକଟ ପଥରଗଣ୍ଡ ଜଙ୍ଗଲରେ  ଏକ ଆମ୍ବ ଗଛରେ ପ୍ରେମିଯୁଗଳଙ୍କ ମୃତ ଦେହ ଝୁଲୁଥିବା ର ଦେଖାଯାଇଥିଲା । ଯୁବକ ଜଣକ ହେଲେ  ଲିପୁ ମଲ୍ଲିକ ଏବଂ ପ୍ରେମିକା ପ୍ରତିମା ପ୍ରଧାନ । ଏମାନଙ୍କ ଘର ଢିମିରିଝୋଳି ବୋଲି ଜଣାପଡିଛି । ଖବର ନେବାରେ ପ୍ରତିମା ଓ ଲିପୁ କିଛି ବର୍ଷ ହେଲା ଦୁହିଁଙ୍କ ମଧ୍ୟରେ ପ୍ରେମ ସଂର୍ପକ ଗଢି ଉଠିଥିଲା । ଏହା ଭିତରେ ଲିପୁ କାମ କରିବା ପାଇଁ ବାହାର ରାଜ୍ୟକୁ ଯାଇଥିଲ । ଲିପୁ ଦଣ୍ଡଯାତ୍ରା ଦେଖିବାକୁ ପାଇଁ , ଗତ କିଛି ଦିନ ପୂର୍ବରୁ ଗ୍ରାମକୁ ଫେରିଥିଲା । ଗୁରୁବାର ମଧ୍ୟରାତ୍ରରେ ଗାଁ ନିକଟ  ଝାଲିଆଗୋଛା ଗ୍ରାମକୁ ଦଣ୍ଡନାଚ ଦେଖିବାକୁ ଯାଇଥିଲେ ଉଭୟେ । ପ୍ରତିମା ଓ ଲିପୁ ଦୁହେଁ  ସକାଳ ପର୍ଯ୍ୟନ୍ତ  ଘରକୁ ଫେରି ନ ଥିଲେ ।ଏହି ଘଟଣାକୁ ନେଇ ଦୁହିଁଙ୍କ ପରିବାର ଖୋଜାଖୋଜି କରିଥିଲେ ।  ଅପରାହ୍ନ ୪ ଟା ସମୟରେ ଢିମିରିଝୋଳି ଜଙ୍ଗଲରେ ପ୍ରେମିଯୁଗଳର ମୃତ୍ୟୁ ଦେହ ଝୁଲୁଥିବା ନେଇ  ଗ୍ରାମର କିଛି ଲୋକ ଦେଖି ପରିବାର ଲୋକଙ୍କୁ ଜଣାଇଥିଲେ । ପରେ ଘଟଣାସ୍ଥଳରେ ପରିବାର ଲୋକ ପହଞ୍ଚି ଗାଲେରୀ ଫାଣ୍ଡି ଅଧିକାରୀ ଚନ୍ଦ୍ରଶେଖର ବେହେରାକୁ ଜଣାଇଥିଲେ । ଫାଣ୍ଡି ଅଧିକାରୀ ଶ୍ରୀ ବେହେରା ଘଟଣାସ୍ଥଳରେ ପହଞ୍ଚି ପ୍ରେମିଯୁଗଳ ଙ୍କ ଶବକୁ ଜବତ କରିବା ସହ ତଦନ୍ତକରି ବ୍ୟବଛେଦ ପାଇଁ ଭଞ୍ଜନଗର ପଠାଇ ଥିଲେ । ଏ ସଂକ୍ରାନ୍ତରେ ତାରସିଂ ଥାନାରେ ୫/୨୨ରେଏକ ଅପମୃତ୍ୟୁ ମାମଲା ରୁଜୁ କରାଯାଇ , ଘଟଣା ର ତଦନ୍ତ ଚାଲିଥିବା  ଥାନା ଅଧିକାରୀ ପ୍ରଦିପ୍ତ କୁମାର ଦାଶ କହିଛନ୍ତି । ଭଞ୍ଜନଗରରୁ ରବିନ୍ଦ୍ର ପ୍ରଧାନଙ୍କ ରିପୋର୍ଟ,୮/୪/୨୦୨୨----୯,୪୦ Sakhigopal News,8/4/2022