ରାସ୍ତା କଡ଼ରୁ ମୃତ ଦେହ ଉଧାର , ସାଇଣ୍ଟିଫିକ୍ ଟିମ୍ ର ତଦନ୍ତ ଜାରି

The body was recovered from the roadside, and a scientific team is investigating

ଭଞ୍ଜନଗର--- ଗାଙ୍ଗପୁର ଥାନା ଅନ୍ତର୍ଗତ ନାହାଡା ଗାଁ ନିକଟ ରାସ୍ତାକଡରୁ ଏକ ମୃତ ଦେହ ସ୍ଥାନୀୟ ଲୋକେ ଦେଖିବାକୁ ପାଇଥିଲେ । ଖବରପାଇ ଘଟଣା ସ୍ଥଳରେ ଗାଙ୍ଗପୁର ଥାନା ପୋଲିସ ପହଞ୍ଚିଥିଲା। ପ୍ରଥମେ ପରିଚୟ ଜଣାପଡିନଥିଲା । ମୃତକର ମୁହଁରେ ଆଘାତ ଲାଗିଥିବା କାରଣରୁ ରକ୍ତ ଜୁଡୁବୁଡୁ ହୋଇ ପଡ଼ିଥିଲେ । ପରବର୍ତ୍ତୀ ସମୟରେ ଜଣା ପଡିଲା ମୃତକ ଜଣକ ମାନସିକ ବିକୃତ ଓ ବେଲଗୁଣ୍ଠା ଥାନା ଅନ୍ତର୍ଗତ ବୋରିପଦର ଗାଁ ର ଭାସ୍କର ନାୟକଙ୍କ ପୁଅ ବୁଲୁ ନାୟକ । ପରିବାର ଲୋକେ ଖବରପାଇ ଘଟଣା ସ୍ଥଳରେ ତାଙ୍କୁ ଚିହ୍ନଟ କରିଥିଲେ । ଗତ ପ୍ରାୟ ୧୫ ବର୍ଷ ହେଲା ପାଗଳ ଅବସ୍ଥା ରେ ଗାଁ କୁ ଗାଁ ବୁଲୁଥିଲା ବୁଲୁ । ତେବେ ସେ କିଭଳି ଆହତ ହେଲା ଏବଂ କେଉଁ ପରିସ୍ଥିତିରେ ତାର ମୃତ୍ୟୁ ହେଲା ସେ ସଂକ୍ରାନ୍ତରେ ଅଧିକ ତଥ୍ୟ ପ୍ରମାଣ ପାଇବା ପାଇଁ ଛତ୍ରପୁର ସାଇଣ୍ଟିଫିକ୍ ଟିମ୍ ସହାୟତାରେ ତଦନ୍ତ କରିଛି ପୋଲିସ । ମୃତ ଦେହକୁ ଜବତ କରି ଭଂଜନଗର ମେଡିକାଲ ରେ ବ୍ୟବଛେଦ କରିଛି ପୋଲିସ । ଏନେଇ ଗାଙ୍ଗପୁର ଥାନା କେଶ୍ ନମ୍ବର ୨/୨୨ ରେ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ ଜାରି ରହିଥିବା ନେଇ ଥାନାଧିକାରୀ ଦେବୀ କୁମାର ଗମାଙ୍ଗ ସୂଚନା ଦେଇଛନ୍ତି । ଭଞ୍ଜନଗରରୁ ରବିନ୍ଦ୍ର ପ୍ରଧାନଙ୍କ ରିପୋର୍ଟ,୧୧/୧/୨୦୨୨-----୮,୩୦